«Қазақстан халқына» қоғамдық қорының Қамқоршылар кеңесінің 2025 жылғы 2 маусымдағы шешімімен «Қазақстан халқына» ҚҚ Білім беру гранттары қайырымдылық бағдарламасына өзгерістер мен толықтырулар енгізілді. 2025–2026 оқу жылында Қор әлеуметтік осал топтардан шыққан талапкерлерге білім беру гранттарын ұсынады. Грант саны Қор Басқармасының шешімімен, қаржыландыру көлеміне байланысты анықталады. Грант аясында ұсынылады: **1) күндізгі оқу түріндегі бакалавриат бағдарламасы бойынша оқу ақысын өтеусіз төлеу; 2) стипендия төлеу – студентке жылына 10 ай бойы (жазғы демалысты қоспағанда) тамақ, тұрғын үй және оқу құралдарына ішінара жұмсауға арналған ай сайынғы төлем (40 000 теңге). ** Гранттың мөлшері білім беру бағыты мен ЖОО-ның (ОВПО) ерекшеліктеріне байланысты анықталады, бірақ 1 000 000 теңгеден аспауы тиіс. Стипендия көлемі – айына 40 000 теңге. Грант келесі тұлғаларға берілмейді: жоғары білімі барлар; республикалық немесе жергілікті бюджет есебінен бакалавриатқа мемлекеттік грант алғандар; екінші жоғары білім немесе онлайн-оқуға үміткерлер. Грант алуға үміткер бола алады: 1) ауылдық жерлерден, шағын және моноқалалардан шыққан аз қамтылған отбасылардың балалары; 2) жетім балалар немесе кәмелетке толғанға дейін ата-анасының қамқорлығынсыз қалғандар; 3) мүгедектігі бар тұлғалар; 4) мүгедек баласы бар отбасылардың мүшелері (18 жасқа дейінгі); 5) 2022 жылғы Қаңтар оқиғасында қаза тапқан ҚР азаматтарының балалары; 6) 2022 жылғы Қаңтар оқиғасында жарақат алған балалар. Бағдарламаға қатысудың жоғарғы жасы — 29 жас (қоса алғанда). Грант атаулы, бір реттік және басқа адамға берілмейді. Тек күндізгі оқуға ғана беріледі және мемлекеттік тапсырыс орналастырылған ЖОО-ларда немесе шетелдік ЖОО филиалдарында оқуға арналған. Грант тоқтатылады: өз еркімен оқудан шығу; академиялық үлгермеушілік; қайта оқу жылына қалу; жалған құжат немесе ақпарат ұсыну. Бағдарламаның жаңа нұсқасында басқа ЖОО немесе білім беру бағдарламасына ауысу қарастырылмаған. Грант беру үшін қажет құжаттар: 1) «Қазақстан халқына» ҚҚ грантына үміткердің анкета-өтініші; 2)грант алуға келісім хаты; 3) үміткердің санатына жататынын растайтын құжаттар; 4) ЖОО немесе филиалдың конкурстық комиссиясын құру туралы бұйрық көшірмесі.